Anw ye jɔn de ye ?

ɲɛmɔgɔba ka kuma

Farafina jamadenw tilancɛ bɛɛ ye kamalenw ye minnu san da ma tɛmɛn san mugan kan. O ye gɛlɛyaba ye katuguni kamalen caman bɛ fantanya, baarantanya, ani kalanbaliya la.Dugubaw falen don kamalenw na minnu ye dugudeniw ani dugukolo sɛnɛ bila ka na sigi duba kɔnɔ. U kelen don, u tɛ baara la ani farati ko caman bɛ u sama. Dɔrɔgi tali, kakalaya, kɔnɔ tiyɛni, denmisɛnw kɔnɔmayali, ani fagali ye u ka don o don gɛlɛyaw ye.Gɛlɛya wɛrɛw ani faratiko caman bɛ ye, i ko cɛ ni musoya banaw, sida bana, falatɔya, ka dogo ka taa farajɛ jamana kɔgɔji kan ani a ka kɔlɔlɔw.Nin kojugu minnu bɛ u lamini, a bɛ u bila dabali juguw la; ka fanga ani wari ɲini cogo bɛɛ la walisa ka kɛ fɛnbatigi ye.Nin waati yɛrɛ la, u bɛ u mɔgɔ ɲɔgɔn feere la ani ka fagalibaw, ani terorisi, halakilili kɛ.Bi tile la, telefoni sɔngɔ binna ani kamalenw bɛ taa intɛrinɛti kan ka jaa juguw ani malobaliya fɛn caman filɛ wala ka u ladege.

Nin farati kow bɛɛ de kosɔn, Baarada min tɔgɔ ko ‘’Nouvelle Generation Media’’ ‘’NGM’’, olu minnu bɛ jaa dila baara la kabini waati jan. U ya latigɛ ka filimu dɔw dila minnu bɛ tɛmɛn televiziyɔn na, i ko ‘’Battement de cœur’’ ani ‘’Abeille Piquante’’ walisa ka nin kow kɔrɔfɔ ani ka kamalenw dɛmɛn.

Fondation ‘’NGM’’ ye baarada ye min bɛ jaaw ani filimuw dila keretiyɛnya sira bolo fɛ, ka laadiliw di farafina kamalenw ma walisa u ka gɛlɛyaw, baarako, ni o ɲɔgɔnna kow ɲɛnabɔ.